إنشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
وعجبي

١٤٣٣/٠٤/١٨

ولعبنــــــا الـحـكـومـــــه اسـتـغـمــايـــــه .. اضحك علينــــا



عـشـــرة عـشـريـــن ...

تـلاتـيـــن اربـعـيـــن ...

خـلااااااااويـيـيــــص ..

لســـــــــــه

ماجــابــوش بـولـيـــس ؟

لســـــــــــه

ولا جــابــوا رئـيــــس ؟

لســـــــــــه

عـدلـــوا دســتــــــور ؟

لســـــــــــه

الــعـيـــش بـطـابـــور ؟

لســـــــــــه

انــــابـيـب بـالــــدور ؟

لســـــــــــه

حـاكـمــوا المـخـلــوع ؟

لســـــــــــه

عـالـجـولنــا الجـــوع ؟

لســـــــــــه

بــــطـلـنــا مــعـــونة ؟

لســـــــــــه

حبســـوا اللي بـاعونـا ؟

لســـــــــــه

ســـبـعـيـــن تـمـانـيــــــن ..

تـــسـعـيـــن مـيــــــــه ..

الــف مبــــروك للـــحرامـيــــــه

طـــــب خلاوييييييييييص

و لســـــــــــــــــــــه



والي يلعب مع الكبار يا صاحبي لازم يستحمل ..

يا استغمياتك يا حكومه

١٤٣٣/٠٣/٣٠

نــص بيضحـــــــك :) .. والتانـــــي زعــــــلان :(


جوايا احساس غريب قوي ..
اول مره احس اني مش فاهمه نفسي او انا بفكر في ايه وازاي ..
يوم ما اقول لا ده كده كفايه جبت اخري
الاقي نفسي بتقولي ليه بس كده مش هتلاقي اجمل من حياتك دي بطلي عنطزه ..
ويوم ما اقول الله ايه ده انا فوق في السما
الاقي الي يرد عليا بقوله مش قوي يعني مش مستاهله .. ده اقل من العادي
كل الي مريحني اني استخرت ربنا ومن ساعتها مفيش طوبه في طريقي ..
ولما باب بيتقفل بلاقي المفتاح في ايديا ..
يمكن انا مرتاحه عشان ربنا اختارلي ..
وتعبانه عشان مفيش حد كامل ..
ولا اعتبر ده طبع بشر محدش عاجبه حاله ..
الله اعلم ..

ده كان كل الي فكرت فيه وجه في بالي وانا بسمع كلمات الاغنيه دي
حسيت اني مش انا الوحيده الي عندي تناقض .. لا ده اهو في ناس متناقضه وعايشه عادي اهو ..
شوف معايا كده ..

انا مش فارس ولا فتا احلام .. انا زحمة وربكة وشغل جنان
نص بيضحك والتاني زعلان ..
انا شيخ فلتان ..
طيب .. شرير .. وجريء .. وجبان
اوقات مشرق واوقات بهتان ..
وساعات سلم وساعات تعبان ..
مفتري جدا وكمان غلبان ..
شبابيك وبيبان .. توهه عنوان ..
انا من الاخر عفريت لابس بدلة انسان ..

بس الي لسه معرفتوش بقي ... اعمل ايه انا دلوقت ؟؟؟

١٤٣٣/٠٣/٢٩

الجــــــــاريه و .. السلـطـــــــان



الجــــارية اللى تمنها دينار

ضحكت على عقل السلطـــــان

قـــادت جــوا فقلبــه النـــار

وسايبتــه سهــران الليل حيــران


كانــت جاريــــة فوسط السوق

زيهـــا زى جوارى الشــام

بصلهــا السلطـــــــان وبــذوق

قال الحلوة دى تبقى بكــــــام ؟


كان شارى من اول نظــــــرة

ولا كان دارى هيحصل ايه

داب قلبه المخدوع فعنيها

ضيع عمره وملكه عليها

واللى جراله ماكان عالبال

ده إللى جراله ماكان عالبال


حاطهـــا جوا عنيـــه وفقلبـــه

وسقاهـــا اشــواق وغــرام

خباهــا من بـــرد الليل

ويقول ذنبهــــا ايه يا حـــرام

لانه كان شارى من اول نظرة

ولا كان دارى هيحصل ايه

فداب قلبه المخدوع فعنيها

ضيع عمره وملكه عليها

واللى جراله ماكان عالبال

ده إللى جراله ماكان عالبال


الجاريـــــة ام دينار إدارت

هربت ولا عادت بتبان

وبقى السلطــــان يسهر ليله

وهى عنيها العسلى تنـــــــــــــام

باع ملكــه باع عرشه وتاجه

لغيره من اهل الشام

والجاريــــة اللى تمنهـــا دينار

حبت واحد م الخدام .. حبت واحد م الخدام

حبت واحد م الخدام

١٤٣٣/٠٣/١٣

أنــــــــــــس .. مـأ تـــــرد يــــا واد


جبتلك اللي انت كاتبهولي
و فانلة و شورت جٌــداد
جبتلك الكوتشي .. على المكتب
خليك جاهز .. و على استعداد
جبتلك الشنطة اللي عايزها
ما ترُد يا واد

..

ما ترُد بلاش توجع قلبي
بكدب على أمك و مخبّي
و بقولها لسّه ف الديربي
جوّا الاستاد

طب أقولها إيه
طب مات كدا ليه
و ف أنهي بلاد

طب مين حيجرّيني وراه
طب مين حيضحّكني معاه
طب أقولّها .. تاه
ما ترُد يا واد

طب رٌد و والله لأسامحك
و حخلّي أخوك ييجي يصالحك
دا أنا حلم حياتي أحضر فرحك
محضرش الدفنة ب سَنّاد

اللــــــــه يرحمك يا أنــــــــس ويبرد نار قلب اهلـك .. مكنش ليك ذنب في الي حصل .. كان كل همك تفرح في اجازتك وتشوف ناس بتحبها وهي بتلعب .. صغرتني قوي قدام نفسي .. وحلفت لأدعيلك في صلاتي .. وخصوصا لما عرفت وصيتك .. حد يقول ان طفل بالبرائه دي يكتب وصيه .. انت كتبت وصيه بأهداء قرنيتك لمصابي الثوره .. وواحد كان طول عمره وصيته يمسك ابنه الكرسي .. انت مت وهو عاش .. حسبي الله ونعم الوكيل .. فعلا صدق من قال (( مات من لا يستحق الموت .. وعاش من لا يستحق الحياه )) حقك عليا انت وكل الي ماتوا بدون ذنب زيك .. يأجمل ضحكه برائه شفتها ...

دايما جدتي كانت تدعي وتقول يارب نزلني تربتي بارده .. ولا تحرق قلبي علي حد .. ولا تحرق قلب حد عليا .. انا حاليا استوعبت معني الدعوه دي .. وبقولها .. (( يارب أنزل تربتي بارده .. ولا تحرق قلبي علي حد .. ولا تحرق قلب حد عليا ))
محدش عارف قدره ايه ولا ازاي ولا فين وشكله بيقرب قوي دلوقتي وبيجي في ابعد مكان ممكن تتخيله .. بتروح وانت متأكد انك في امان وبترجع متشال في اكفان .. يارب ارحم شهدائنا وارحمنا ..
ولو حصل .. يــــــارب أحتسبني شــــــهيدة ...

إنــــــــــــا للــــــــه وإنــــــــا إليــــــــه لراجعــــــــــــون ...

١٤٣٠/٠٩/٠٤

يا مفسدي الارض .... اتعظوا

بعد مإدا وبعد ماخد .. بعد ما هد و بنا واحتد .. شد لحاف الشتا من البرد ..
بعد ملف وبعد ما دار .. بعد ما هدا وبعد ما ثار .. بعد ما داب واشتاق واحتار..
حط الدبلة وحط الساعة .. حط سجايره و الولاعة .. علق حلمه ع الشماعة ..
شد لحاف الشتا ع جسمه .. دحرج حلمه و همه و اسمه .. درا عيون عيزين يبتسموا ..
أللي قضى العمر هزار .. والي قضي العمر بجد .. شد لحاف الشتا من البرد
شتا .... محمد منير

دايما كنت بسمع الأغنية دي ومش بعرف أفك رموزها المقصوده بيها
يمكن هي تبان سهله اول ما تسمعها
بس هي في الحقيقة عميقة أوي
بعد تفحص وتمحص وتملص وتدقيق وتفليق وتحقيق
وصلت للتالي
وصلت إلي أنها أجمل أغنيه توصف عمر الإنسان من المهد الي اللحد
وقدرت توصف حياته المليانه
وصفت الإنسان لما يبقي شاب واخد الدنيا بدراعه
وكأنه باقي فيها ع طول
عمل كل حاجه
بني وهد شتم وسب وهدا ناس تانيه ثايره بغضب
هزر وضحك ونسي نفسه لحد ما عينيه دمعت من الضحك
حب وعشق وسهر ليالي صيف وشتا وعاش كل لحظه ومرحمش
وبعد ملفت بيه الدنيا وتعبت منه وتعبته معاها
ساب كل الي يربطه بيها ويحسسه بوجوده فيها
وقال فاكس منك يادي الدنيا
ساب الدبله والحب والقلب ع اقرب طربيزه
وقلع الساعه والزمن من جداره
وساب السجاير اصله مبقاش قدها
والصحه في النازل
وبعد كل جبروت الصبا والشباب والرجوله
بقي البرد هو كل مشكلته في الحياه
لما بقي ياكل في عظمه
وبقي يشد اللحاف من البرد
شفتو قد ايه احنا تافهين شويه برد في يوم هيهزمونا
وازاي احنا عطينا الدنيا اكبر من حجمها
يلا يا صاحبي قوم من تاني
ابني وسب والعن وحب واسهر واتعب
بس خلي بالك من شويه البرد
الي هيحطوك مكانك سر
اعمل حسابهم

كل سنه وانتو طيبين ويارب يعود عليكم وعلينا الايام بخير

معلش هيا متأخره بس مش مشكله

رمضان كريم برضه


١٤٣٠/٠٨/١٥

اترك الكأس ..... لتحمله غدا

في يوم من الأيام
كان محاضر يلقي محاضرة عن التحكم بضغوط وأعباء الحياة لطلابه
فرفع كأسا من الماء وسأل المستمعين
ما هو في اعتقادكم وزن هذا الكأس من الماء؟
الإجابات كانت تتراوح بين 50 جم إلى 500 جم
فأجاب المحاضر: لا يهم الوزن المطلق لهذا الكأس!!!
فالوزن هنا يعتمد على المدة التي أظل ممسكا فيها بهذا الكأس
فلو رفعته لمدة دقيقة لن يحدث شيء
ولو حملته لمدة ساعة فسأشعر بألم في يدي
ولكن لو حملته لمدة يوم فستستدعون سيارة إسعاف
الكأس له نفس الوزن تماما
ولكن كلما طالت مدة حملي له كلما زاد وزنه
فلو حملنا مشاكلنا وأعباء حياتنا في جميع الأوقات
فسيأتي الوقت الذي لن نستطيع فيه المواصلة
فالأعباء سيتزايد ثقلها
فما يجب علينا فعله هو أن نضع الكأس ونرتاح قليلا
قبل أن نرفعه مرة أخرى.
فيجب علينا أن نضع أعبائنا بين الحين والأخر
لنتمكن من إعادة النشاط ومواصلة حملها مرة أخرى.
فعندما تعود من العمل يجب أن تضع أعباء ومشاكل العمل ولا تأخذها معك إلى البيت
(لأنها ستكون بانتظارك غدا ع الباب ولن تستطيع حملها)

١٤٣٠/٠٨/٠٤

الحــــــب ... وما قالوه فيه


الحب عالم
فالانسان قبل الحب شئ
وعند الحب كل شئ
وبعد الحب لاشى

الحـــــــــــــب
وحده يشفي الجرح الذي احدثه

الحـــــــــــــب
يجعل الزمن يمضي
والزمن يجعل الحب يمضي

الحـــــــــــــب
ليس له عقل
ولكنه قادر على أن يسحق أكبر العقول

الحـــــــــــــب
ليس هو من يعذبنا
ولكن من نحب

الحـــــــــــــب

أن تفهمني وأفهمك دون أن نتكلم
وأن تسمعني قبل أن أقول

الحـــــــــــــب
به تسمو الروح وتشفى
وتمتلئ رغبة بالعطاء واحتضان كل ما في الوجود

الحـــــــــــــب
يجعل الإنسان العادي شاعرا
والشاعر مجنونا

الحـــــــــــــب
هو نقاء وصفاء
وهو إخلاص ووفاء وتضحية وصبر وشوق وحنان
فالحياة بلا حب
ألم بلا أنين
وغربة بلا حنين
وعناء بلا شجن

الحـــــــــــــب
هو أن أسمعك وحدي
واشم عطر عباراتك
وأتغذى بشهد بسمتك
واقرأ سطور قلبك حرفا حرفا
ونبضة نبضة
ومن نظرة واحده إلى عينيك
اغرق فيك وأفهمك
وانت كذلك

الحـــــــــــــب
يبدأ بالسمع والنظر
فيتولد عنه الاستحسان
ثم يقوى فيصير مودة
ثم تقوى المودة فتصير محبة
ثم تقوى المحبة فتوجب الهوى
فإذا قوي الهوى صار عشقا
ثم يزداد العشق فيصير تتييما
ثم يزداد التتييم فيصير ولها
ثم يزداد الوله فيصير هيامـا
وهو قمة ما يبلغه المحب
فنقول هائم

الحـــــــــــــب
كالقمر قد يكون في أول الشهر فينمو
أو يكون في آخره فيخبو

الحـــــــــــــب
كزئبق في راحة اليد
إن تركت يدك مبسوطة بقي
وإن أطبقتها ضـــــــاع

الحـــــــــــــب
قد يولد بكلمة
ولكنه لا يموت بها أبـــــــــــــدا

الحـــــــــــــب
يحيا دائما على حافة الموت

الحـــــــــــــب

من جن به فهو عاقل
ومن جن بغيره فهو مجنون

الحـــــــــــــب
كالقمر له وجهان
الغيره هي الوجه المظلم فيه

الحـــــــــــــب
تجربة وجودية عميقة
تنتزع الإنسان من وحدته القاسية الباردة
لكي تقدم له حرارة الحياة المشتركة الدافئة.

الحـــــــــــــب
فرصة ليصبح الإنسان أفضل وأجمل وأرقى...!

وحشني البلوج قوي

وانتوا ياجراني وحشتوني جدا

وفعلا انا مقصره معاه ومعاكم قوي

ورجعت لقيت الدنيا كلها تراب وغبار وانتو ناسيني

فنويت افتح الشبابيك وارجعه من تاني وارجع معاكم

ويارب اكون قد كلامي واقدر استمر

best wishes 4 u


١٤٣٠/٠٥/٠٥

أصرخ .. أصــرخ .... أصــــــــرخ





ما أصعب ان تتكــلم بلا صـــــوت


ان تحيــى كى تنتــظر المــــــوت


ما أصعب ان تشــــعر بالســـــــأم


فتــرى كل من حــــولك فتجده عــــــدم


ويسودك احســـــــاس النـــــــدم


علي صديق عرفته
و إثــم لا تعرفه


وذنب لم تقترفه


ما اصعب ان تشـــــعربالحــزن العميـق


وكأنه يكمـنٌ فى داخــلك ألـــم عريــــق


فستـــكمل وحــدك الطــريــق


بلا هـــــدفٍ بلا شــريكٍ بلا رفيــقٍ بلا صديق


فلذالك أصرخ افضل لك
وانا ايضا سأصرخ


لكي يخرج لي صوت

لكي يسمع لي صدي


وسأحيا بلا انتظار للموت

١٤٣٠/٠٣/٢٢

أصعب احساس







أصعب حاجه في الدنيا
لما تحب حد وتتعلق بيه
ويجي وقت تنحرم منه
وتلاقي نفسك فجأه
مش من حقك حتي لما تشوفه
انك تسلم عليه

١٤٣٠/٠٢/٢٧

أدمــــــــــــــــــــ وحــــــــــــــــــــواء

لما خلق الله ادم عليه السلام
كان هو أول بشري موجود

وكان بيعيش في الجنة



و بالرغم من كل الي موجود هناك كان مستوحش المكان

فعشان كده لما نام خلق الله حواء من ضلعه



فيا ترى ايه السبب؟؟؟



أنا بقي هقولكم السبب



ليه خُلقت حواء من آدم و هو نايم ؟؟



وليه متخلقتش منه وهو صاحي ؟؟



عشان بيقال إن الراجل لما بيتألم بيكره



بعكس المرأة الي ياحرام لما بتتألم بيزيد عطفها و حبها



فلو كانت خلقت حواء من آدم عليه السلام و هو صاحي



كان هيحس بألم خروجها من ضلعه و يكرهها



لكنها خُلقت منه و هو نايم عشان مايحسش بالألم فميكرهاش



وعشان تصدقوني شوفو الست بتولد و هي صاحيه و بتشوف الموت بعنيها



لكنها بتزيد عاطفة و تحب مولودها



وكمان تفديه بحياتها لمجرد انها شافته

نرجع لموضوعنا تاني



طيب ليه خلقت حواء من ضلعٍ أعوج مش من ضلع مستقيم؟؟؟



وليه من الضلع الي بيحمي القلب؟؟؟؟؟



عارفين ليه ؟؟؟؟؟؟



لأن الله خلقها عشان تحمي القلب .. هي دي وظيفتها في الحياه عموما



حماية القلوب



فتخلقت من المكان الي هتتعامل معاه



لكن آدم اتخلق من تراب لأنه هيتعامل مع الأرض



هيكون مزارع أو عامل بناء أو حدّاد أو نجار



لكن المرأة هتتعامل مع العاطفة .. مع القلب



هتكون أم حنونه .. وأخت رحيمه .. و بنت عطوفه ..وزوجه ليها قلب كبير



خرجنا تاني عن موضوعنا



لف وارجع تاني



طيب ليه الضلع الي اتخلقت منه حواء كان أعوج !!



انا برضو الي هقولكم



عشان الطب الحديث اثبت حاجه جامده اخر حاجه



أنه لولا الضلع ده كانت أخف ضربة على القلب



هتسبب له نزيف اكيد هيسبب موته الفوري



فخلق الله الضلع ده عشان يحمي القلب



وخلاه أعوج عشان يحمي القلب من الجهة الثانية كمان



عشان كده يابنات حوا لازم نفتخر ونتفشخر بأننا



اتخلقنا من ضلع وكمان أعوج



وكمان لازم يابن ادم ياخويا متحاولش اصلاح ولا حتي تظبيط العوج ده



لأنه زي ما رسولنا الكريمعليه افضل الصلاه والسلام
قال ( إن حاول الرجل إصلاح ذاك الاعوجاج كسرها)



و يقصد بالاعوجاج الي هي العاطفة عندنا ( نون النسوه يعني ) الي بتغلب عاطفة الراجل



فيا ادم متستهزئش بعاطفة حواء



لان دي خلقه ربنا



ونصيحه لبنات حوا



احنا هنفضل كدا



واحنا حلوين كده



والعالم كله عايز حوا كده



حتي لو اتقالك غير كده
فروعتنا في عاطفتنا يا بناويت



فيا ادم لاتتلاعب بمشاعرنا



و يا حواء متضيقيش لو قالولك ناقصه عقل



فعقلك ده 50% منه عاطفه



الي بتحتاجها الدنيا كلها









ياحواء



أنتِ تكادي ان تكوني المجتمع كله



فأنتِ نصف المجتمع الذي يبني النصف الآخر









وشكرا










ونأسف للتطويل

١٤٣٠/٠٢/٢٢

علاقتي بيك




عارف العلاقه بيني وبينك زي ايه


زي العلاقه بين عنيك


بيتحركوا سوا


بيرمشوا سوا


ويضحكوا سوا


وبيبكوا سوا


وبيناموا سوا


وبيشوفوا كل حاجه زي بعض




مع كل ده


مبيشفوش بعض




وحشاني بجد


يارب نتقابل ع خير


يا أغلى اصحابي
I MISS U REMOOO
NOUR

١٤٣٠/٠٢/١٦

شغــــــــــــل وإشتـــــــــغلات



كمساري قبل مبيصحي مرات (بيخبط لها ) على حرف السرير

مره ضابط شرطه شبك خطيبته بـ (اسورتين و مفتاح )

بياع لبن اغنيته المفضله كانت ( احلب ) بسماها و بترابها

صيدلى اشتري كوكاكولا وشربها فى (غطا الازازة )

موسيقار اشترى التموين ع ( النوتة )

دكتور عظام نفسه انكسرت ( جبسها ) و عاش

دكتور كشف ع صاحب محل كشري طلع قلبه ناقص ( دقة )

دكتور بطري جاب هديه لمراته (حلق بلاستيك )

موظف بنك عنده بنتين توأم واحده ( عايده ) و التانية ( فايده )

صحفى كتب كتابه كتب ع القسيمه ( بقلم فلان الفلاني )

من مواصفات قبولك كرئيس هيئة السكة الحديد ان يكون نظرك ( سكة ع سكة )

جزار حب يخس قال للدكتور ( شفيني )


مرات بتاع الموبايلات تحب ديما ( تشحنه ) ع اهله

ابن بياع اللبن الي في المدرسه بيكتب ع ( سطل ويسيب سطل )


نياهاهاهاهاهاها

أيه رأيكم
كفايه عليكم كده النهارده

١٤٣٠/٠٢/٠٦

راتبك كــــــــــــــــــــــــــام ؟؟؟؟؟؟





واحد مصري سأل واحد إماراتي



كم راتبك ؟؟



الإماراتي : راتبي 15000 درهم



وبدل سكن 90000 درهم سنويا



وبدل مواصلات1200 درهم شهريا



وبدل غلاء معيشة 2000 درهم



وبدل ماء وكهرباء 1000 درهم



وسيارة كل سنة



وتأمين صحي للعائلة



ومدارس خاصة لأولادي



وتذاكر سفر دولية عالدرجة الأولى



بعدين سأل الإماراتي المصري



وأنت كم راتبك؟؟؟



قال المصري: راتبي 300 جنيه



قال الإماراتي هذي بدل أيش ؟؟



قاله المصري : بدل ما أشحت






نياهاهاهاها



وكفايه عليكم كده النهارده

١٤٢٩/١٢/١٧

انت مع المذكر ولا المؤنت ؟؟





يحكي ان مدرس انجليزي كان قاعد في سلامه الله


بيشرح درس المذكر والمؤنت لشويه طلبه عيال


قام واد ابن لذينه يسئله سؤال


فقال له طيب هو الكمبيوتر مذكر ولا مؤنث يا مستر؟؟


فلم ينوب المدرس الا الحيره في امره


وقعد يستفتي قلبه ومعرفش يرد ع الواد ده


مش يلم الدور بقي


لا قام قاسم الفصل نصين نص اولاد ونص بنات


وقال لكل واحد من الطلبه في المجموعتين يكتب رأيه في انه مذكر ولا مؤنث


مع ذكر 4 اسباب لترشيح الحل ده


فمجموعه الاولاد اجمعت ع انه مؤنث


ليه بقي تفتكروا انتو ليه


بصوا بقي ليه هما من رأيهم انه مؤنث


1 - محدش بيفهم المنطق بتاعه الا الي صانعه بس


2 - محدش بيفهم اللغه الداخليه الي بيتعامل بيها


3 - بيحتفظ بالاخطاء حتي البسيط منها عشان يجيب قرارها بعد كده


وقت الحاجه يعني


4 - لما الواحد بيرتبط بيه بيصرف تلات ارباع مرتبه عليه


من كماليات واكسسورات وحجات من دي




اما البنات بقي فقالت انه مذكر ليه بقي


تعالوا نشوف الاسباب المقنعه جدا بتاعه البنات بقي نياهاهاهاهاها


1 - عشان ياخد باله من الي بتقوله لازم تدوس ع كل زرايره


2 - عنده معلومات كتيره محتفظ بيها لنفسه ولازم تسرسبه عشان يقر


3 - من المفروض انه موجود عشان يحللك مشاكلك بس غالبا بتبقي المشكله فيه او في التعامل معاه


4 - بعد الارتباط به هتكتشف انك لو استنيت شويه كان هيجيلك حاجه احسن منه




ها انا سيبلكم انتو القرار والي عنده اي اسباب تانيه يقول ممكن نحطها ضمن القائمه مفيش مشكله عندي


بس برضه البنات تكسب


نياهاهاهاهاهاهاها

١٤٢٩/١٠/٠٤

أزفــــــــــــ الـرحــــــــــيل

خلاص مباقيش غير يوم وكام ساعه
ومن بعدها تبقي القلوب مُرتاعه
خوفها مكون من ذكريات ماضي
ولحظات حاضر
وانتظار لمستقبل
خوفنا عملنا ازمه
وعمال يقطع فينا وفي الوقت
وكأن الوقت ولاول مره
مش واخد حقه من الحياه
وبيجري زي مهره حزينه
لما تشوف الجو حوليها غريب
وتلاقي غربه وغريب
مبتعملش حاجه غير الجري
بتجري وبتجري وبتجري
ومن غضبها
بتدوس علي كل الي حوليها
وتدوس علي اقرب ماليها
وتخلي ناس تودع ناس
وناس تشتاق لناس
وناس تبكي ع فراق ناس
وتعمل غبره وعفره
ممكن تعمي عيون الناس فتنسى
ولكن فيه ناس لايمكن تنسى اقرب الناس
ولا تنسى الم ووداع وفراق
وتفضل فكراهم مدى الحياه
وتفتكر يوم مكان فيه دمعه حاره حره
في الرموش ماسكه
خايفه تقع وتضيع
وتبقي زي ناس ضاعت
بس حزنهم وقلقهم وخوفهم يملا المكان
وممكن يهد جبال و بنيان
ويقدر يمحي الامان والحنان
وبعد كل ده
وبعد متموت المهره
مبيتبقاش غير ذكريات
يوم وكام ساعه