لما خلق الله ادم عليه السلام كان هو أول بشري موجود
وكان بيعيش في الجنة
و بالرغم من كل الي موجود هناك كان مستوحش المكان
فعشان كده لما نام خلق الله حواء من ضلعه
فيا ترى ايه السبب؟؟؟
أنا بقي هقولكم السبب
ليه خُلقت حواء من آدم و هو نايم ؟؟
وليه متخلقتش منه وهو صاحي ؟؟
عشان بيقال إن الراجل لما بيتألم بيكره
بعكس المرأة الي ياحرام لما بتتألم بيزيد عطفها و حبها
فلو كانت خلقت حواء من آدم عليه السلام و هو صاحي
كان هيحس بألم خروجها من ضلعه و يكرهها
لكنها خُلقت منه و هو نايم عشان مايحسش بالألم فميكرهاش
وعشان تصدقوني شوفو الست بتولد و هي صاحيه و بتشوف الموت بعنيها
لكنها بتزيد عاطفة و تحب مولودها
وكمان تفديه بحياتها لمجرد انها شافته
نرجع لموضوعنا تاني
طيب ليه خلقت حواء من ضلعٍ أعوج مش من ضلع مستقيم؟؟؟
وليه من الضلع الي بيحمي القلب؟؟؟؟؟
عارفين ليه ؟؟؟؟؟؟
لأن الله خلقها عشان تحمي القلب .. هي دي وظيفتها في الحياه عموما
حماية القلوب
فتخلقت من المكان الي هتتعامل معاه
لكن آدم اتخلق من تراب لأنه هيتعامل مع الأرض
هيكون مزارع أو عامل بناء أو حدّاد أو نجار
لكن المرأة هتتعامل مع العاطفة .. مع القلب
هتكون أم حنونه .. وأخت رحيمه .. و بنت عطوفه ..وزوجه ليها قلب كبير
خرجنا تاني عن موضوعنا
لف وارجع تاني
طيب ليه الضلع الي اتخلقت منه حواء كان أعوج !!
انا برضو الي هقولكم
عشان الطب الحديث اثبت حاجه جامده اخر حاجه
أنه لولا الضلع ده كانت أخف ضربة على القلب
هتسبب له نزيف اكيد هيسبب موته الفوري
فخلق الله الضلع ده عشان يحمي القلب
وخلاه أعوج عشان يحمي القلب من الجهة الثانية كمان
عشان كده يابنات حوا لازم نفتخر ونتفشخر بأننا
اتخلقنا من ضلع وكمان أعوج
وكمان لازم يابن ادم ياخويا متحاولش اصلاح ولا حتي تظبيط العوج ده
لأنه زي ما رسولنا الكريمعليه افضل الصلاه والسلام
قال ( إن حاول الرجل إصلاح ذاك الاعوجاج كسرها)
و يقصد بالاعوجاج الي هي العاطفة عندنا ( نون النسوه يعني ) الي بتغلب عاطفة الراجل
فيا ادم متستهزئش بعاطفة حواء
لان دي خلقه ربنا
ونصيحه لبنات حوا
احنا هنفضل كدا
واحنا حلوين كده
والعالم كله عايز حوا كده
حتي لو اتقالك غير كده
فروعتنا في عاطفتنا يا بناويت
فيا ادم لاتتلاعب بمشاعرنا
و يا حواء متضيقيش لو قالولك ناقصه عقل
فعقلك ده 50% منه عاطفه
الي بتحتاجها الدنيا كلها
ياحواء
أنتِ تكادي ان تكوني المجتمع كله
فأنتِ نصف المجتمع الذي يبني النصف الآخر
وشكرا
ونأسف للتطويل
هناك ٣٣ تعليقًا:
يخرب بيتك
ايه الدماغ دى؟؟؟؟
انتى مالكيش حل والله
ياعيني ع الجمال
لو حد قرا الكلام دا عليا النعمة يتجوز عشرة مش اربعه
.
.
.
تحياتي يا عسل والسلام
انت تسأل والكمبيوتر يجيب
انشاء الله في اقرب فرصه
هلبي الدعوه
وشكرا
blue-wave
بعيدا عن بيتي
ف اي خدمه
واشكرك ع زيارتك
نورتني
بست وشز فور يو
ادم المصري
طيب اديك قاريته
هههههههههههه
انا عملت الي عليا وخليتك تقراه
الدور والباقي عليك
اي خدعه
نورتني
بست وشز فور يو
ومين بس بيكره حواء كلنا بنحبها حواء هى حبيبتى وامى واختى
كل شئ فى حياتى بس الاسلوب جميل
تحياتى
ايون كده
برافو عليك
انت كده فهمتني صح
بس مع العلم اني مقصدش ان كل ادم
بيعامل حوا وحش
مهو من ادم ده بابايا وعمي وخالي
نورتني
بست وشز فور يو
السلام عليكم
بجد هايل حلو أزى الموضوع وتعليقاتك كمان ظريفة جدا
يا ريت كل الرجال يعرفوا الكلام ده
تحياتى ليكى
مش عارف حاسس كده فى لعبه مستخبيه وراء الموضوع ده
مش عارف فى كلمه لازم تتقال
أيه ياست النساء بنحبك يا قمر وبنعشق التراب إللى تحت رجلك
ورضين ومش لحقين
وبنتعب علشان ترضى
وفى تجهيز ومصاريف جواز وحاجات كثيرة
ثانيه واحده متفهميش غلط أنا بتكلم عن أمى
ههههههه
بنوته
ياريت يا حبيبتشي ياريت
مكانش ده يبقي حالنا
نياهاهاهاهاها
ده انتي الي قمر
وبتنوريني كله مره اكتر من الي قبلها
نورتيني تاني
بست وشز فور يو
اعشق في الليل ضوء القمر
ده كده مين الي بيلعب بقي
وبعدين مهما كان ده واجبكم
حتي لو كان الكلام ده لاي حد تاني
فهو مش واجب حد غيركم
مشكلتكم انكم بتعملوا ده وحسين انه صدقه منكم مع انه ده دوركم في الحياه
بست وشز فور يو
عايزه الحق
اومل مره اعرف موضوع ان سيدنا ادم كان نايم دي
وكمان التفسيرات
شكرا علي المعلومات
عاشقه وغلبانه
هههههههههههههه
اي خدعه
زورينا دوما تجدي ما يسرك
والي يعيش ياما يشوف يا حوا
نورتيني
بست وشز فور يو
نوري
كان رد فعلى علىكلامك انى اعدت اسقفلك جامد
تحياتى لاحلى بنوته
:))
أنا مبسوطة انك كتبتي المعلومات دي في مدونتك لأن ناس كتير ميعرفوهاش..
و رجالة كتير تقولك انتو اتخلقتو من ضلع أعوج و يتريقو مع ان هما اللي عايزين حد يعدلهم :))
ربنا يوفقك يا جميلة
تحياتي
كلام جميل
فعلا لان الضلع لو كان مستقيم لما ادى دوره في التحويط على القلب و الصدر
اوروفوار
عايز أعرف رأيك
ملتقى الصحبه
تائهه بين الخيال والواقع
ربنا يخليكي
بس قوليلي من الي كان بيصفر
انا سمعت صفافير
وتحياتي انا كمان للقمر
نورتيني
بست وشز فور يو
إيناس حليم
اي خدمه يا جميل
ايون انا معاكي
واديني عدلتهوملك اهو يا ستي
ههههههههههههه
نورتيني وزورينا ديما
بست وشز فور يو
طهقانه
اي خدمه
لعلمك دي نتيجه
تفحيصات وتمحيصات
عملتها لدراسه هذه الخاصيه
ههههههههههه
نورتيني
بست وشز فور يو
اعشق في الليل ضوء القمر
حاضر
من عنيا
هطلع من هنا واخد تاكسي
وهطلع عليها دغري
نورتني
بست وشز فور يو
عجبنى اسم المدونة فقلت لما اعدى
وكمان عجبنى تحليل قصة سيدنا آدم وحواء .. بس مش عارف هل الكلام ده حقيقة ولا تحليلات بالمايونيز ؟
أصبحنا ثلاثة
فى ملتقى الصحبة معانا ولا
ياسر سليم
اي خدمه وانشاء الله تعجبك مواضعها
زي ما عجبك اسمها
لا الكلام ده حقيقي
والله بس طبعا طريقه الكلام
لازم تبقي مايونيزي
اصل ده طبع بعيد عنك
ههههههههههه
نورتني
بست وشز فور يو
الله
عجبني النفوخ العالي ده قوي قوي
وحلو بجد موضوع نستفشخر لأني على طول مطبقاه
لو لم اكن حواء لعيطت عااااااااااااااااا
تسلم ايدك ومايونيزك مظبوط مظبوط آخر حاجة هههههههههههههههه
تحياتي
انتي كده من حقك تتفشخري بالكلام ده بجد
:):):):)
تحليل مقبول وسرد جميل
كل التحية والاحترام
البوست ده من أوله لآخره دعاية للجنس الناعم وفيه تحيز واضح جدا وأنا أعترض وأطالب بالمساواه .. أيوة
:-))
بصي يا ست نوري تحليلي الشخصى ان حوا خلقت من ادم وهو نائم علشان تقل نومه بعد كده طول الزمان وكمان من الضلع الاعوج اللى حامي القلب من كل ناحية عشان هي الوحيدة اللى تكسر قلبه بعد كده لو فكر يزعلها بجد موضوع جميل جدا اخر حاجة بلغتكم وعايزين من ده كتير قبلاتى لك يا قمر
ستيته حسب الله الحمش
اتفشخري ياختشي ولا يهمك
اذا مكناش احنا الي هنتفشخر
امال مين يعني
وربنا يخليكي يا خالتي ستيته
وعلي فكره انا الي لازم اتفشخر
لان المدونه بتاعتي نالت اعجابك
نورتيني ومستنيه زيارتك ديما
بست وشز فور يو
صاحب المضيفه
مدام حضرتك اقتنعت بواجب الفشخره
يبقي واجب عليك دعوه كل امرأه من اقاربك بالفشخره
هي دي الروح الرياضيه والواجب الوطني
اشكرك ع رايك
ونورتني
بست وشز فور يو
يا مراكبي
ههههههههههههههه
الله يرحم ايام زمان
لما الكانت المطالبه دي مننا
هزوئت
ع كل حال هنحاول ننظر في الموضوع ده
من جوانبه الاخري
نورتني
بست وشز فور يو
خالتي بمبه
جرا ايه يا خالتي
انتي معانا ولا معاهم
ولا مضغوط عليكي
يانساء المجره
القوا القبض عليها
واما ان تعود للصواب
او اقيموا حليها حد
الضرب بالقباقيب
نياهاهاهاهاها
وانت عامل ايه دلوقت
نورتيني يا خالتو
بست وشز فور يو
إرسال تعليق