اصعب حاجه في العالم انك تعرف صاحب
وتعاشره وتعتبرها عشره العمر
وتحاول تدخله في احلي ايام حياتك
عشان تبقي ذكرياتنا سوي
افتكره ويفتكرني ونفتكر ذكرياتنا مع باقي اصحابنا
وفي الاخر يطلع صاحب اقل ما يقال عليه انه صاحب
خــــــــــــــــــــــــــــيــــــــــــــــــخـــــــــــــــــــــــــــــــه
ميتمناش ليك الا الاسوء
ولا يتمناك صديق ليه
ولا حتي معاه في لحظه من اجمل لحظاته
وعيزك ديما في كدر النكد والمأساه تبقي جمبه
ومتعرفوش ولا تشوفه وقت زنقتك
لدرجت انك في وقت من الاوقات تندم ع اليوم الي بتعيشه معاه
وتندم ع قلبك الي زعل عليه
وعينك الي دمعت لفرحته
وروحك الي كانت مستعده في لحظه جنون تفديه
بس نعمل ايه ده حال الدنيا
ودي غلطتي انا لاني
عرفت ناس متستهلنيش
ولا تستاهل حبي ولا احساسي بيها
الي فكرني بالموضوع ده اغنيه لحماقي كل ماسمعها افتكر ايامي دي
وتصعب عليا نفسي
**************************
******************
انا لو ازيته كان عملي زياده عن كده ايه
بالعكس عمري مخت منه نص الي انا بديه
ده مشفش غير حنيه مني مشفش غير الخير
خايف ليعرف قيمه الي في ايده لمايروح
عموما يلا مش فرقا ومش خسران
عشان انا عرفت دلوقتي ده انا الكسبان
لو غلطه مني مين يقولي طب غلط في ايه
طبيعي لما تحب حد بتكون مأمن ليه
زمانه رتب كل حاجه وعاش حياته خلاص
مش فارقه عنده اي عشره بنا ولا احساس
ونا مش هوقف يوم حياتي الدنيا مليانه ناس
عموما يلا مش فرقه ومش خسران
عشان انا عرفت دلوقتي ده انا الكسبان
دي اقل حاجه ممكن اقولها ليكي
وقدر الله وما شاء فعل
هناك ١٤ تعليقًا:
والله يا بنتي نفس الى حصل معايا وحصل معايا الى اصعب من كده كمان ،، عملت خير ولقيت المقابل شر * شر ،، مكنتش عارف الغلط فيا انا الى امنت لناس متستاهلش ولا الغلط فيهم هما ولا الغلط في مين بالظبط
اهي دروس وبنتعلم منها ومحدش بيتعلم ببلاش
وبطلي كآبة بقي ... فرفشي المدونة زي زمان :D بست وشززززززززز
hawy php
الله هو اكيد العيب في الي مبيقدرش
وفي الي بيدي منغير حساب
وفعلا هي دروس وبتعلمنا
وبعدين هو فعلا انا بقيت كئيبه؟؟؟
والله انا مش قصدي
انا بس بقيت اكتب عني شويه
انشاء الله هنعدل قريب
اي خدمه
بست وشز فور يو تو
على قد ما الواحد بيتضايق من النوع ده من البشر الا انه ساعات بنضطر لمعاملتهم بشكل او باخر
مضطرين بقى
وبعدين بلاش خيخة دي
لاني افتكرتها خيخة اختنا المدونة
دي لو عرفت ممن تقفل المدونة خالص
D:D:D:D
تحياتي
معلشي يا جميل الدنيا كدا بقي .. والواحد ما بيتعلمشي بلاش
.
.
تعيشي وتسمعي اغاني تاني
.
.
تحياتي والسلام
صاحب المضيفه
عندك حق بنعاملهم مضطرين
بس انا من النهارده مش مضطره اني اعاملها
وده احسن ما في الموضوع
وبعدين هو انا لو عندي صاحبه زي خيخه كنت فتحت بقي
ده كان يبقي بتر ع النعمه
وانا عارفه انها لو عرفت هتعديهالي
هههههههههههه
تحياتي انا كمان
نورى حبيبتى
ولا تستاهل دمعه واحده منك يا قمر
ولا عاش ولا كان اللى يخلى نورى تعيط وتصحى من النوم علشان تكتب بوست زى ده
وبعد كده خلى كل الايام اللى انتى عاشرتيها معاها ثوابها عند الله وفى ميزان حسناتك
انتى عرفتيها علشان تخففى عليها الالام حياتهامش علشان انتى كنتى محتاجه ليها
وربنا يعوضك باحسن منها ان شاء الله
ويرزقك بالصحبه الصالحه
ادم المصري
لا انا فعلا دفعت تمن العلام ده
غالي قوي
بس يلا حصل خير
وخيرها في غيرها
تحياتي انا كمان
دنيتي الجميله
نونا حبيبتي
ربنا يخليكي ليا يا قمر
ومتتصوريش لما كتبت البوست ده
ولما حكيتلك ارتحت قد ايه
فربنا يخليكي ديما جمبي
بست وشز فور يو
مررت ليكي تاج عازيين نشوف اجاباتك
http://hawyphp.com/blog/2008/08/30/top-6-secrets/
كل سنة وانتي طيبة واللي يجرحنااصلامايستحقش اننا نبكي عليه
hawy php
تاج
اعطاك الله بما اكرمتني به
بس تفتكر التيجان في رمضان مش
حرام
ههههههههههه
انشاء الله هجاوب عليه قريب
رمضان كريم
mostafa rayan
وحضرتك طيب
انا لما بكيت بكيت عشان
نفسي صعبت عليا
مش عشانها خالص
ودي فيها فرق كبير
نورتنا
ورمضان كريم
و الله أنا كمان حصلى كدة..أنا أساسا وديت نفسى مرة فى داهية عشان صحبتى بس للآسف لقتها أنها بتئذينى بطريق غير مباشر...بس و الله الواحد مش خسران بجد لأن أكيد أكيد اللى بيبعد نفسه عن الآذى و حرق الدم كسبان و أكيد حيلاقى حد زيه بيقدر كلمة الصحوبية اللى خسران بجد هو اللى ضيع الصاحب الصح منه
انا ودماغي
والله انتي كلامك كله حكم وصح كمان
انتي عارفه انا من ساعتها دعائي الوحيد
ان ربنا يرزقني بالصديق الحقيقي ويبعد عني اصحاب السوء
انا مبسوطه قوي بالكومنت بتاعك ده
ف أشكرك
بست وشز فور يو
إرسال تعليق