كراكيب احاسيسي ( كلاكيت تاني مره )

ده ممكن كده نقول عليه الجزء التاني
او تابع للحلقه الاولي الي هي المره الي فاتت
انا بس احب ابرر الغياب الي انا غبته ده كله
مع اننا في اجازه من زمان
اه بس خدوابالكم دي الاجازه دي عندكم انتو بس
اما انا فكان عندي امتحان مستوي رفيع
و واحد وربع في الميه متشعلقين في الهوا
فكنت بستعدلهم صح بقي وبعدلهم العتاد
ولكن الحمد لله انا لسه ممتحنه النهارده الصبح
وفضيت بقي وتمام قوي كده
بس ربنا يسهل بقي وادعولي اجيب ال10 كلها
*****
واليكم نشره اخبار الشهر ده (اغسطس)
****************************
الخبر الاول :
التدوين ده واحشني قوي
وحشتني التعليقات والرد والقرايه والسلمات والتهريج
كان عندي احساس اني منقطعه عن العالم كله
وعايشه لوحدي
فرحت قوي النهارده لما فتحت الميل بتاعي
ولقيت ناس بتسأل عليا انا فين
لحسن اكون مت ولا حاجه
وميعرفوش اني زي بوسي كات ب 7 أرواح
اي خدمه اديني عرفتكم اهو
وبشكركم قوي والله يابنات
وربنا يخليكم ليا ياسكر نبات
***********************
الخبر التاني :
انا لما قلت المره الي فاتت اني خايفه وقلقانه من تقبل اهلي للوضع الجديد
مكنتش واخده بالي ان في ناس لازم تطلع من الكادر ده
ناس فعلا ندمت ولو للحظه اني فكرت فيهم بالشكل ده
ناس حسيت في 3 ايام بس هما بيحبوني قد ايه
وانهم مكانوش يستاهلو مني الهبل الي انا قلته ده
بس انا برضه لسه حاطه ناس في الكادر ده
بس هطلع منهم اشخاص تانيه كتير منهم واحده انتو عرفينها كويس
ايوه طبعا هي دي
نــــــــــــــــــــــــــــــــــــــــونـــــــــــــــــــــا
طبعا حبيبتشي وضرتشي واختشي الكبيره
وجوزها الي هو حبيبي وعمي في نفس ذات اللحظه
نياهاهاهاها
وناس تانيه كتييييييييييييييير قوي بس انتو متعرفوهمش
عرفت قيمتهم دلوقتي بس وعرف نور عندهم تبقي ايه
فيارب يخلينا لبعض كلنا
**************
الخبر التالت :
في يوم 8 -8 - 2008
كان اسعد يوم في حياه اغلي انسانه عندي
وكانت ليلتها حلوه
وهي كانت زي البدر فيها
فيارب يا قمرايه يتمملك ع خير
وتعيشي السعاده ع طول والرومانسيه
اصله رومانسي وتقريبا هيجي هنا وياخد مننا مايونيز ويبهدل التموين واحنا طبعا مش هنديه
وانا من مكره الصمح هجيب اتنين بادي بلدنج كده اوقفهم ع باب المدونه يحافظوا ع المايونيز
هنعمل ايه بقي قدري كده
هاهاهاهاها
***************
الخبر الرابع :
بخصوص التلات ايام الي قلت عليهم دول
اصلي قعدتهم من غير مامتشي واخواتشي
اول مره الموضوع ده يحصل
ديما كنت انا الي بسافر وهي تبقي قاعده
لكن المره دي هي الي سافرت القاهره وخليت بيا
كانو اصعب 3 ايام
كان البيت وحش قوي وهادي
صوتي وجعني من كتر قله الزعيق في العيال
راسي صدعت من الهدوء
مكنتش عارفه اذاكر عشان مفيش حد بيخبط عع الباب ويقرفني
كنت حاسه اني شويه وهتجنن والبيت بالمنظر ده
وكنت تقريبا بكلمهم من ساعتين ل 3 ساعات في اليوم وبحكلهم ع كل حاجه
بس برضه ولا كان بيفيد
حسيت انها قرصت ودن
عشان اتعود بقي ع الحياه دي
وانها تمهيد لفراق هيستمر 5 و6 شهور مش 3 ايام وبس
بس ساعتها بقي ربنا يستر
**********************
بس كفايه كده بقي المره دي واكملكم المره الي جايه
عشان انا عندي حكاوي كتيييييييييييير مولا
وحسيت اني طولت عليكم وانتو زهقتوا
فيلا بقي
سلامووووووووووووووووووووز
وانتظرونا قريبا جدا