الدرس العملي للتاج الاول

ازيكم عاملين ايه

كويسين طيب الحمد لله

بس انتو بقي وحشتوني

النهارده هنبدأ بقي الدرس العملي بتاع البوست الي فات

ايوه كده برافو عليكم التاج

اه مانا جالي تاج عقبال املتكم

فرحانين انتو فيا مش كده بس ليكم يوم

المهم دلوقتي هو التاج فيا ترا يا هل ترا ايه هو التاج بتاع المره دي

ننزل بالقوانين الاول

1- توضيح اسم المدون الي اتكرم ومررلك التاج

ياسلام ع عيني وراسي الي مررلي التاج ده الاستاذ محمد صاحب مدونه الهاويPHP

2 - توضيح قواعد التاج

اي خدمه مهو ده الي سعتي بكتبه دلوقتي

3 - اتكلم عن اهم 6 اسرار في حياتك ربما لم يكتشفها الغرباء

وهوده السؤال الرئيسي بس هكتبه في ضهر الصفحه عشان الورقه تكفي

4 - مرر التاج ل 6 مدونين مع ذكر اسمائهم وروابطهم

نياهاهاها وده احلي سؤال في اللعبه دي

5 - ترك تعليق في المدونه الي همرر لها التاج

دي مقدور عليها في الاخر هنعملها

نرجع بقي لفقره 3 الي هيا

اهم 6 اسرار في حياتي

1 - الي بيشفوني لاول مره بيحسوا اني مغروره بس بعد كده بيعرفوا اني متواضعه

او بمعني اصح شخصيه عاديه جدا

2 - عصبيه جدا لدرجه اني ممكن انسي نفسي واتهور وبنكد بقيت اليوم

3 - بحب التجمعات جدا(لاني نوعا ما اجتماعيه) والشقاوه البناويتي بيني وبين صحباتي الي وحشوني قوي اهئ اهئ اهئ

4- اهم حاجه عندي بعد اهلي اصحابي وعلاقتي بيهم وبرتبط بلي يتعلق بيا بسرعه وده الي جيبني لورا

5- امينه جدا ع اسرار اي حد يدهاني فبالتالي انا بحب الحوديت جدا والكلام وان حد يقول لي سر ويستأمني عليه

6- بحب الاطفال الشقيه بخفه دم لكن العيال الكئيبه مبطقهاش

اما بقي الي هرمي عليهم قذيفه التاج ده ودي اجابه الفقره 4فهما

1- نونا (دنيتي الجميله)

2 - لولا ( احلي الاوقات )

3 - خالتي بمبه ( حكايات ستات )

4 - استاذ ابراهيم ( انا وانا )

5 - مودي (القلب الطيب )

6 - ياسمينا ( انسانه )

ملاحظه صغننه

اولا ده اول تاج اجاوب عليه في حياتي

واول تاج يدخل المدونه دي

وكان صعب قوي

لدرجه اني سألت اصحابي

هو انتو اول مره شفتوني فيها كان احساسكم ايه اتجاهي ؟؟

فكانت اجابتهم هي معظم البوست ده

بس كده

يلا بقي كل تاج وانتو طيبين

و هابي تاج