أكــتــب عــامـــك الــجــديـــد
عــلــي ورق أبــيــض
لــيــــس عـــلــــي ورق الاســـتـــســـلام
ولـــكـــن عـــلـــي ورق حـــب مــبـــلل
أكـــتـــب عــامــك الــجـــديـــد بـــمــاء صـــافـــي
فـــــبالله عـــلــيـــك مــاذا اصـــطـــدنـــا مــن الــمــاء الــعــكــر؟؟
مـــــــــــاذا بــــــــــــــــك؟؟؟
أهـــذا هـــو عـــشـــاء الـــعـــام الـــجـــديــــد؟؟؟
فـــالـــمـــدعــــون كـــثـــــر
ولا يــــوجـــد لــلـــولـــيـــمـــة غـــيـــر خـــبــــز يــــابــــس
ولـــــــــكــــــــــن0000
ومـــع كــل هــــذا مـــابــيــدي غـــيـــر ان اعـــفـــو عـــنـــك
وأقـــــول كــــل عــــام وأنــــــت الـــــخــــيــــر
يــــــــــــا وطـــــــــــــــنـــــــــــــــــــي
*****
كل سنه والكل طيب وبخير
انا عارفه اني اتأخرت يومين بس معلش بقي اعذروني
ولعلمكو كمان انا هجمع مناسبات كتير قوي في البوست ده
يعني كل سنه وانتو طيبين عشان العيد والخروف وكده
وكل سنه وانتو طيبين عشان السنه الهجريه الجديده
و
Happy New Year 4 Every 1
وصدقوني لو كنت اقدر اهنيكو ع عيد العمال و6 اكتوبر و23يوليو
كنت عملتها من دلوقتي
عشان اكيد انتو عارفين الي عندي
معدا بقي عيد الحب عشان ده ليه عندي معزه خاصه
فلازم ساعتها يبقي ليه تهنئه أسبشيل
المهم
كل 2008وانتو احسن
وانا كمان احسن
عشان 2007 دي كانت سنه ربنا مايعودها ابدا
قولو امين
ويارب تكون سنه جميله ع كل الوطن العربي
وع مصر بالذات
وعلي اهلها وشعبها الطيب
ويارب تعلا وتعلا وتعلا
منغير منطاطي و نطاطي و نطاطي
وكل سنه وبابايا ومامتي كويسين
وكل سنه واخواتي ناجحين
وكل سنه واصحابي الي سبتهم في 2007 والي عرفتهم طيبين
وكل سنه والي حبوني وحبيتهم أجدع ناس
وكل سنه وامالنا تتحقق
وكل سنه وافكارنا تتحرر
وكل سنه وجيوشنا تكبر
وكل سنه وقوتنا تزيد
وكلمتنا انشاء الله تتوحد
وكل سنه ويخلينا لبعض
وكل سنه ولا يحرمنا من الي حبونا وحبناهم
وكل سنه وكل البلوجريه طيبين
*****
انا بقي هعتذر منكم
وهستأذنكم اغوصلي قد شهر ونص كده
عقبال ماخلص امتحنات
وياريت تدعولي كتير قوي
وتقولوا يارب يانور يابنت ام نور تحققي كل الي في نفسك
لا علو صوتكم شويا وارفعو اديكم لفوق
بذمه يعني
وع الله ارجع القيكم ناسيني وناسين البلوج ده
ع الله مش هيحصل طيب ساعتها
ويلا بقي نتقابل ع خير
في موعدنا يوم 8/2/2008
واستنوني فيه انشاء الله حاجات حلوه وصواريخ وبمب وبلونات وحجات كده
ارجعلكم ع خير بقي
هناك ٢١ تعليقًا:
وكل سنة وانتى طيبة وجميلة
وان شاء الله تحققي اللى نفسك فيه
وكل سنة والدنيا كلها بخير وسعادة مع 2008 ان شاء الله
وكل سنة لكل حد ذكرتية فى البوست
وكل سنة وكل حاجة حلوة موجودة
الوحشة لاء بقا مش عايزنها معانا
تحياتى
كل سنة وانتى طيبة وازاى ننسى احلى رومانسية بالمايونيز يلا ربنا معانا كلنا ونرجعى تانى بدرجات عالية وطمنينا عليكى بعد الامتحانات
كل سنة وانت محققة كل اللي نفسك فيه؛يا أحلي نوري في الدنيا؛ على فكرة العيش اليابس لو سخناه شوية اهو احسن من مفيش ؛ربنا يقدرنا ونعلا ونعلا ونعلا ونعلا يانور
كل سنة وانتى طيبة يا اجمل قمر فى حياتى انتى وكل حبايبى اللى جنبك وسنة سعيدة عليكم وعليناوترجعيلنا بمجموع كبير جدا واحلى حاجة فى 2008 انك هتكونى معايا
وانتي طيبة يا نوري مع انها متاخرة مني انا كمان وان شاء الله ربنا يحققلك كل الى تتمنيه وان شاء الله محدش هينسي البلوج الجميل ده بس انتي متغيبيش كتير بس
كل سنة وانتى طيبة وجميل اوى البلوج بتاعك دمة خفيف اكيد زيك
كل سنة وانتي طيبة
ويارب تكون حياتك كلها في طاعة وايمان
مدونة رقيقة وجميلة
دمت بخير
كل سنه و انتى طيبه يا جميله
وحشانى بجد بس معلش مشغوله فى الأمتحانات
اكيد انتى مشغوله اكتر منى
ربنا يوفقك
كل سنة وانتي طيبة
مدونتك دمها خفيف جدا
اكيد طلعالك يعني
وربنا يوفقك في الثانوية العمية
تحيتي ليكي
طبعا انا ليه الشرف انى اكتب تعليق عندك فى المونه
وكل سنه وانتى طيبه
وانا عجبنى جدا المقدمه
انه مش على ورق الاستسلام
وعلى ورق حب مبلل
بجد جميله جدا
وفى النهايه سلامى وربنا يوفقك
اجدع واحد في الشارع
ربنا يخليك يا باسم
ويارب فعلا تكون كلها حلوه
والوحش يبعد عننا كلنا
تحياتي انا كمان
و(بست وشز فور يو)0
نور الهدي
اولا شكرا جدا لزيارتك الدائمه
الي بتسعدني دي
وثانيا انا الحمد لله ابليت بلاء حسنا
في الامتحنات وربنا يستر ع وليانا
بس انا مش عارفه ليه حاسه اني
اعرفك فيريت تقوليلي انتي مين
نورتيني وبتنوريني ع طول
ف(بست وشز فور يو)0
shahrzad
ده انتي الي قمر والله
وفكره العيش الي هنسخنه ده
هجربها اهو نحاول
لحسن انا تعبت خلاص واسناني وجعتني
نورتيني ياقمرايه
و(بست وشز فور يو يامون)0
عاشقه الجنه
وحشانييييييييييييييييي موووووت
يانونا والله
فعلا عندك حق احسن حاجه اني هنزل ومعدتش راجعه تاني
نييااااااااااااه
بس المشكله ان نصي التاني
هيبقي هنا بس ربنا معانا بقي
ولعلمك انشكاح بعتالك تحيه كبيره معايا
نورتيني يا قمري(بست وشز فور يو)0
hawy php
معتقدش انها هتكون متاخره اكتر مني
ده انا يا ابني بضرب الارقام القياسيه في التاخير وبدون منازع
انا بشكرك ع الكومنت الجميل ده
ويارب يكون ربنا وفقك
انت كمان في الامتحنات
ودعواتنا ليك كتير عشان انت زمل
وتنورني دايما(بست وشز فور يو)0
دنيتي الجميله
ربنا يخليكي ياجميله
ده انتي الي زي العسل
ويارب تكوني سعيده في عالمك الجديد ده
واكيد التهنئه دي متاخره بس اكيد برضه انتي عارفه اني انا الي اخترعت التاخير اصلا
نورتيني ومتقطعيش بيا
ابدا(بست وشز فور يو)0
صاحب المضيفه
امين امين يارب
ربنا يخليك
تصدق رفعت من روحي المعدويه قوي
دمت انت كمان بخير وسعاده
واشكرك ع الزياره
الجميله دي(بست وشز فور يو)0
mariam
وانتي طيبه ياقمر
ايوه والله ده انا ست العارفين
عذرك معاكي ياجميله
ومتحمليش هم
المهم متنسيناش وسط زحمه الكتب
وربنا معاكي
نورتيني (بست وشز فور يو)0
شاب نفسه يحقق حلمه
اولا بتمنالك في2008انك تحقق حلمك ويبقي اسمك شاب حقق حلمه
ثانيا خفه الدم دي بالوراثه فاكيد البت دي وارثاها مني وبلا فخر طبعا
شكرا ع اول زياره ويارب تبقي من عاداتك زياره مدونتي المتواضعه
نورتني(بست وشز فور يو)0
الساحر
انا نفسي اعرف بس
مين الي ليه الشرف بدخولك هنا
انا ولا انت
ياراجل ده كلام تقوله ده الشرف ده
من حقي انا
وبلاش نتعدي ع حقوق بعض بقي
وكل سنه وانت طيب وبصحه وسعاده
نورتني وبتنورني هتنورني ع طول (بست وشز فور يو)0
الف مبروووووووووووووووووووك لمصر ولينا
وان شاء الله كاس العالم 2010
وياريت نتابع الاخبار مع بعض
يا ريت اسمع رايك في
اخوان ستايل
إرسال تعليق