بعد إتخاذي لقرار مفاجئ وبدون اي مقدمات مسبقه
وقرار أقرب مايكون للصعب عليَ
بأن أتوقف عن التدوين
وأن أكتفي بالتعليق عند أجمل أصدقاء
عرفتهم وعرفوني وكانو يقتطعون جزءاً من وقتهم
لزيارتي ومتابعتي وترك اجمل بصمات في صفحه التعليق
والذين مازالو الي وقت قريب جدا
وبعد توقف المدونه لمده 7 أشهر متتاليه
علي التعليق عندي وايضا ترك اجمل بصمات خفيه
وإرسال الإيميلات الجميله
أحسست من خلال ذلك كله أني قد فقدت
أصدقاء أحبوني لشخصيتي وليس لشخصي
وأنني بإغلاق المدونه قطعت الصله بيني وبينهم
فقررت قرار اخر وكان اسهل علي من القرار الاول بكثير
وهو العوده من جديد للتدوين
ولكن كلما تسمح الظروف بذلك
وبذلك أكون قد عدت لعالمي
الذي صنعته بنفسي
لأضع فيه نفسي
معبره فيه عن نفسي
وفعلا قد كانت فرحتي بهذا القرار
أكبر بمراحل كثيره من إختياري لإنشاء المدونه من الاول
لإحساسي بالقرب من الهاويه والانفجار
ومن ثم العوده الي الحياه
فشكرا لكل من عاونني لإتخاذ هذا الاجراء
وأقناعي به
عودا حميدا
والحمد لله
وصلنا لبيتنا سالمين
هناك ١٢ تعليقًا:
بتهزرى
تتوقفى عن التدوين ده أيييه ؟
هو دخول التدوين زى خروجة :)
ده احنا كنا نعمل انقلاب وهتافات ونخرج نكسر فى إزاز المدونات
انتى مش عارفة ان الجمهور بيحبك
وان اصدقائك بينتظرو كتاباتك
بس ليه يا ترى توقفتى الفترة دى هه هه ليه ليه
شكله الموضوع فى إن :)
بجد اوعى تعملى كدة تانى
ومنتظر بوست جديد فى اسرع وقت
ان ما كنش انهاردة هنديكى فرصة لبكرة ياللا
قومى بسرعة بوست بوست
ههههه
تحياتى
أحمد
السلام عليكم
قد تكون تلك أول زيارة لي لمدونتك اختنا الفاضلة
إلا انها فرصة طيبة للترحيب بك . عودا أحمد ان شاء الله
Ahmad AL-Sabbagh
لالالالا
الموضوع مش محتاج
كل الخسائر الماديه دي
أدينا رجعنا والحمد لله
وهنكمل المشوار
وبعدين اصحابي دول
هما فعلا الي جبوني لورا
مهو لولاهم مكنتش رجعت
بس يلا الحمد لله
وبالنسبه للبوست كل ما تسمح ظروفي الوحشه انشاء الله هتلاقي بوست نزل
تحياتي (بست وشز فور يو)0
المهاجر الي الله :
أشكرك علي زيارتك ليا
والترحيب بيا من جديد
وانا فرحانه اني عرفت
مدونه من نوعيه مدونتك
فشكرا جزيلا
نورت
ياحبوبتى مبروك العوده للتدوين
برضه كده تتوقفى سبع شهور
حتى خليتى المدونه فاضيه خالص
لا سكر
ولاشاى
ولاعناب
ولاقهوه
ولاكازوزه
نيجى عندك من غير ما نشرب حاجه خالص ؟
فرنسا هانم
والله يافرنسا باشا ياحياتي
انا معنديش غير مايونيز
لو عايزه..ابعتلك حبه منه
هههههههههههه
والله انا بشكرالبلوجرات و البوستات الي عرفتنا ع بعض ياجميل وعيزاكي تزوريني ديما ومتقطعيش بيا ابدا
نورتي ياقمر(بست وشز فور يو)0
اولا...
شكرا جدا على تعليقك اللذيذ عندى فى المدونة
دمه خفيف زيك تمام..ودا واضح من تدويناتك
ثانيا
يشرفنى ان الولاد يتعرفو
وبجد ماتبعديش تانى عن هنا
اعتقد ان الحاجة اللى بنتعب فى بنائها ...صعب علينا نبعد عنها ونخسرها بسهولة
امنياتى بالسعادة
اولا : حمد الله على السلامة يا جميل
وبلاش الخياب تانى
وحشتنى المدونه بتعتك اوى
وحشنى كلامك اللى كان ممكن يدخل الواحد فى المود بتاع الموضوع ياريت يا نورى بلاش غياب تانى
تحياتى ليكى
الف الف حمدلله على السلامه
والله المدونه نورت برجوعك
وعلى فكره انا كنت زيك بالظبط
وبرده لسه راجع
وانتى طبعا وده شىء يشرفنى من اول الناس اللى انا بكتبلهم بعد العوده
وعلى انا مستنى منك رومانسيه
بس كترى المايونيز
وفى النهايه سلامى وربنا يوفقك
dandana
لاشكر علي واجب ياجميل
وبعدين ده انتي الي دمك عسل
وعيونك حلوه عشان كده شيفاني كده
وفعلا الحاجه الي بنائها صعب
صعب علينا نهدها بسهوله
وأتمني زيارتك دي دايما
ونورتيني ويارب تفضلي
منوراني ع طول
و(بست وشز فور يو)0
أجــد واحـــد في الشـــارع
ياأهلا ياهلا نورت والله المكان
لالالا توبه من دي النوبه
معتش اكررها تاني
ال اسيبكو ال استحاله
تحصل تاني اصلا
اديني رجعت وكلي نشاط
ومستنيه زيارتك ديما
تحياتي انا ايضا
و(بست وشز فور يو)0
الســــــاحر
الله يسلمك ياساحر
والف حمد لله ع سلامتك أنت كمان
وانا مش ناويه اعمل الحركه دي تاني وانت كمان بجد بلاش تفكر تعملها تاني
وطبعا كون ان مدونتي تكون اول مدونه تعلق عليها بعد غيابك
فده والله شرف لياانا كبيييير جدا
ولا متخفش هعملك اسبشيل أردر وأكتر المايونيز عشانك من عنيا
ههههههههههههههههههههه
وأخيرا وليس أخرا(بست وشز فور يو)0
إرسال تعليق